'A coppia d'oggi

Credo che la donna giusta nella vita sia una, ma credo anche che quando in tutte le storie sbagliate,
che crediamo essere quelle giuste e nelle quali abbiamo creduto, ci mettiamo il cuore,
ci si senta come ho tentato di descrivere in queste righe.

'A coppia d'oggi
Nu guaglione e na guagliona s'incontrano per caso
se guardeno, se piaceno, se n'esceno e se vaseno.

Se sentono a telefono, parlano 'e chesto e chello,
ma maje ca uno 'e llore parlasse e l'ammettesse...
'e comme è stato bbuone 'a sera primma a chesta.

Nisciuno 'e llore ammette
ca songo state bbuone...
ca se vonne vedè pe n'ata vota ancora.

Parlano d'ate asciute cu' ati amice llore,
nisciuno 'e llore accenna a 'o mmale e dint' 'o core
... po' fosse na vergogna ammettere l'ammore.

Attaccano 'o telefono se vedeno n'ata vota
e n'ata vota ancora nun parlano 'e l'ammore
ca sta represso a rint' e sbatte vicino 'o core

E quanno t''e lassate, ià dicere "Nun fa niente"
e pure si era ammore, annanze a tutt' quante
per quant' ce tenive dice "era una d''e tante"

Te miette scuorno a ammettere
ca 'a tiene sempe in mente...
e annanze a tant''e llore,
quann'essa se n' è gghiuta...
...s'adda fa finta 'e niente.

Davide Rocco