Dedicata a tutti quelli che stanno soffrendo per una storia finita.
'E storie ca fernesceno...
ferite 'ngoppa 'o core
ca quand' poi è guarito
ritorna a pruvà ammore
ma 'o tiempo ca ce passa
tra ddoie storie d'ammore
restamme senza fiato
spezzate da 'o dulore
Nun ce va bbuone niente
na cosa sola in mente
cu 'e lacreme ca saglieno
e nuie a nunn''e ffa scennere
So' notti fatte in bianco
jurnate senza scopo
cu''o tiempo ca se ferma
e 'o sguardo dint''o vuoto
Nunn''o facimme apposta
ma poi coccosa cagne...
è 'o tiempo ca è passato
è 'o munno ca va annanze
Ferite ca rummaneno
ma senza cchiu'dulore
a nuie pare impossibile
ma arriva n'ate ammore
Nuie l'affruntamme timidi
...è na perzona nova
Ce fa paura ammettere
ca stamme ancora buone
E si pure sta storia
fernesse e n' ghiesse buone?
embè che te ne 'mporta...
...'o tiempo è galantuomo
Davide Rocco
